У канферэнц-зале нашага ўніверсітэта 2 лютага адбылася сустрэча студэнцкай моладзі, выкладчыкаў і намеснікаў дэканаў усіх факультэтаў з пракурорам г. Гомеля Уладзіславам Уладзіміравічам Журакоўскім. Шматклікай групай былі там прадстаўлены і студэнты першага курса факультэта замежных моў.
Высокі госць кваліфікавана і даходліва расказаў у шчырай размове з прысутнымі аб асаблівасцях правапарушэнняў і злачынстваў, звязаных з выкарыстаннем інтрнэт-рэсурсаў і ўласных тэлефонаў, акцэнтуючы ўвагу на тым, што кожны з нас, пакідаючы свой след на старонках сайтаў і пад шматлікімі відэа ў выглядзе падабаек, станоўчых ці адмоўных каментароў, фактычна выказваецца для многіх дзясяткаў і соцень тысяч карыстальнікаў у публічнай віртуальнай прасторы. Уладзіслаў Уладзіміравіч дабразычліва парэкамендаваў моладзі скасаваць падпіску на ўсе тыя каналы, якія прызнаны экстрэмісцкімі, пажадаў абачлівасці і цвярозай развагі над прымаемымі рашэннямі.
Намеснік дэкана па выхаваўчай рабоце Р.У. Серыкаў
